2021eko Acal Sari Artxibistikoetako nafar izendatuak

2021/06/01

Gaztela eta Leongo Artxibozainen Elkarteak Acal Sariak sortu zituen, profesionalen eta erakunde publiko eta pribatuen artxiboen arloan egindako lana aitortzeko. Maiatzaren 14an argitaratu zen hirugarren edizioaren deialdia. Hautagaiak aurkezteko epea amaitu ondoren, Balorazio Batzordeak hiru finalista aukeratu zituen, kategoria bakoitzean saria jasotzeko aukerarekin. Atzo argitaratu zen Acal-eko webgunean izenen zerrenda:

1. Artxibo-proiektu onenaren saria

Kategoria honek bereizten du 2018tik 2021era nabarmendutako artxibo edo dokumentazio jakin baten kudeaketarekin lotutako proiektua. Epaimahaiak honako hauek hautatu ditu:

•  “Lafuente Artxiboa. Arte modernoari eta garaikideari buruzko dokumentu-funtsen bilduma”, José María Lafuentek sortua.
• “Nafarroako Errege Artxibo Nagusiko Musikaren eta Arte Eszenikoen Artxiboa”, Nafarroako Gobernuko Artxiboen eta Dokumentu Ondarearen Zerbitzuak sustatua.
• “Video Mercury, Espaniako artxibo filmikoa”, Enrique Cerezok sortua. 

2. Hedapen-ekitaldi onenaren saria

Kategoria honetan sartzen da 2018tik 2021era bitartean artxiboak zabaltzeko egindako edozein ekimen berezi (artxiboetako kasu praktikoak, erakusketa fisikoak edo birtualak, bestelako zabalkunde-proiektuak, etab.). Epaimahaiak honako hauek hautatu ditu:

• Jauregiko Artxibo Nagusiko “Cartas al Rey. La mediación humanitaria de Alfonso XIII en la Gran Guerra “.
• Gaztela eta Leongo artxiboetako “Escape Room La Dama del Archivo”.
• Alacanteko Artxibo Historiko Probintzialeko “Imagen de la Mujer en el AHPA”.  

3. Lan profesional onenaren saria

Gaztela eta Leondik kanpo artxibistikarekin eta dokumentu-kudeaketarekin lotutako lan profesional garrantzitsua egin duen eta azken hiru urteetan artxiboen lanbidea eta egoera hobetzen lagundu duen pertsona baloratzen da sari honekin. Epaimahaiak honako hauek hautatu ditu:

• Anabella Barroso (Bizkaiko Elizaren Artxibo Historikoa)
• Alejandro Delgado (Cartagenako Udal Artxiboa)
• Joaquim Llansó (Nafarroako Gobernuko Artxiboen eta Dokumentu Ondarearen Zerbitzuko zuzendaria).

4. Gaztela eta Leongo lan profesional onenaren saria

Azken hiru urteotan Gaztela eta Leonen artxibistikarekin eta dokumentu-kudeaketarekin lotutako lan nabarmena egin duen edonoren lan profesionala saritzen du sari honek. Epaimahaiak honako hauek hautatu ditu:

• Pedro Gómez (Salamancako Katedraleko Artxiboa)
• Ana Huete (Salamancako Unibertsitate Pontifizioko Artxiboa)
• Eduardo Pedruelo (Valladolideko Udal Artxiboa)

Sariak emateko zeremonia ekainaren 5ean izango da, Salamancan, Artxiboen Nazioarteko Egunaren eremuan.

Informazio gehiago nahi izanez gero, hona hemen elkartearen orri ofizialeko berriaren esteka:

https://acal.es/index.php/actualidad/item/2301-lista-de-nominados-a-los-premios-acal-2021