es | eu | en | fr

Antzerki Independientea Espainian

2022/03/30
Antzerki Independientea Espainian

Gaur, 2022ko martxoaren 30a, asteazkena, 20:00etan, Nafarroako Errege Artxibo Nagusiko Areto Nagusian, “El teatro independiente en España” izeneko mahai-ingurua izango da. Hauxe da Musikaren eta Arte Eszenikoen Artxiboak (AMAEN), Iruñeko Udalarekin eta Gayarre Antzokiarekin batera, El Lebrel Blanco Antzerki Taldearen 50. urteurreneko Kultur Elkarteak prestatutako zikloa antolatzen laguntzen duen bigarren jarduera. 1972ko otsailaren 5ean Gayarre antzokian egin zen antzerki-taldearen lehen emanaldiaren berrogeita hamar urteak oroitzea du helburu. Guillermo Heras eta Etelvino Vázquez hizlariak eta Víctor Iriarte moderatzailea izango dira bertan.

Guillermo Heras

Aktorea, antzerki-zuzendaria, antzerkigilea eta kultura-kudeatzailea

Tábano Taldearen (1974-1983) kide sortzailea

Joera Eszeniko Berrien Zentro Nazionaleko zuzendari ohia (1984-1993)
Alacanteko Egile Garaikideen Antzerki Espainiarraren Erakustaldiaren zuzendari ohia

1994ko Antzerki Sari Nazionala

Etelvino Vázquez

Aktorea eta antzerki zuzendaria

Grupo Caterva (1968-1977), Teatro Margen (1978-1984) eta Teatro del Norte (1985etik) taldeen sustatzailea.

El Lebrel Blancoko Antzoki Txikian programatutako bere Don Juan Tenorio ikonoklasta Caterva taldearekin (1977ko urtarrilak 6-9).

Bere ibilbide osoari eskainitako 2001eko Asturiasko Antzerki Saria

Víctor Iriarte

Kazetaria, antzerki-egilea eta kultura-kudeatzailea

2019ko Lope de Vega saria eta 2006ko Calderón de la Barca Antzerki Sari Nazionala

La colopenda historia del grupo de teatro El Lebrel Blanco lanaren egilea eta Patxi Larrainzar. Teatro de agitación liburuaren hitzaurre-egilea eta editorea.

Parte hartzea doakoa da, lekua bete arte.

Nafarroako Errege Artxibo Nagusiak martxorako prestatu duen mikroerakusketa ikusteko aukera ere izango dute bertaratuek. Bertan, Lebrel Blanco Funtseko zenbait dokumentu garrantzitsu daude ikusgai, 2019an emandakoak, artxibo honetan gordetzeko.

Zerrendara itzuli