Abenduaren 15ean Fernando Remacha konpositore tuteratarraren jaiotzaren 125. urteurrenaren karira, Vianako Printzea Erakundea-Kultura Zuzendaritza Nagusiak Fernando Remacha. Tres canciones galaico-portuguesas para coro izena daraman partituraren edizioa aurkeztuko du Nafarroako Artxiboan abenduaren 12an, asteartea. Lan horrekin, Nafarroako musika-ondarea osatzen duten interes bereziko konposizio berriak jendearen eskura jartzeko asmoa duen AMAEN bildumari ematen zaio hasiera.
Argitalpena gaztelaniaz, euskaraz, ingelesez eta frantsesez egina dago, eta Aurelio Sagaseta Arízteguik egindako sarrera bat ere badu; ondoren, Alejandro Ureta Chudobaren argitalpenari eta berezko argitalpenari buruzko oharrak, eta, azkenik, jatorrizko partituraren erreprodukzioarekin amaitzen da.
Edizioaren aurkezpena bukatutakoan, abestien estreinaldia izango da Iruñeko Ganbara Abesbatzaren eskutik.
Fernando Remacharen hiru konposizioek, orain arte ezezagunak zirenak, “Ai ondas que eu vin veer”, “Bailemos agora, por Deus, ai velidas“ eta “Sedia-mi eu na ermida de San Simión“ dute izenburu. Horiek lagun-kantak deiturikoei dagozkie, kantatua izateko konposizio poetikoa, jatorriz XII. mendeko galiziar jatorriko herri-tradiziokoa, maitasun-kantuaren ereduari erantzuten diona, sarritan maite dugun pertsona ez dagoenean.
Aurelio Sagaseta Arízteguik egindako dohaintzari esker, hiru abestien partitura 2021ean sartu zen Nafarroako Artxiboan. Aurelio Sagaseta 1962tik Iruñeko Katedraleko Kapera Maisu-Kalonjea izan zen, Iruñeko Pablo Sarasate Kontserbatorioko arduradunen garaian (idazkari eta zuzendari gisa, hurrenez hurren) Fernando Remacharekin izandako harremanaren ondorioz kontserbatzen zituen beste dokumentu batzuekin batera.
2022ko abenduan Iruñeko Ganbara Abesbatzak interpretatutako hiru abestien kalitate handiko grabazioak, interesdunen eskura egongo dira, modu unibertsal eta doan, Nafarroako Musikaren eta Arte Eszenikoen Artxiboaren programaren Nafarroako Fonotekaren https://www.amaen.es/eu/remacha-villar-fernando-1898-1984 helbidean sartuz.
Partituraren edizioan jasotzen den bezala, "ekimen honen bidez, Nafarroako musika memoria bizi bihurtzen dugu".
Edizioaren eta kontzertuaren aurkezpen ekitaldia abenduaren 12an izango da, 19:00etan, Nafarroako Errege Artxibo Nagusiko Areto Nagusian. Sarrera librea da, edukiera bete arte.
Remacharen Kanta Galaiko-Portugesak
12/12/2023
Edizioaren eta kontzertuaren aurkezpena.
