ERREFERENTZIA KODEA
ES/NA/AGN/F526
IZENBURUA
Pedro de Felipe
MUTURREKO DATAK
1976-2013
DESKRIBAPEN MAILA
Funtsa
BOLUMENA
4 kutxa
F.ES. 1
EKOIZLEA
Pedro de Felipe Alayeto
AIPAMEN BIOGRAFIKOA
1938ko ekainaren 6an Murchanten jaiotako nafartar irakasle eta konpositorea da. 2013. urtean zendu zen.
Zaragozako kontserbatorioan ikasi zuen, non Piano titulua lortu zuen. Iruñeko Kontserbatorioko Felix Huarte Katedran Gregoriano ikasi zuen.
1973 eta 1984. urteen artean Zangozako Nora abesbatza zuzendu zuen eta herri berean Juan Francés de Iribarren Oinarrizko Kontserbatorioko zuzendaria izan zen. Koral honen bigarren etapan Iruñeko, Tafallako, Lizarrako, Etxarri Aranatzeko, Zangozako, Murchanteko, Izabako eta abarreko herrietan hainbat emanaldi eskainiko ditu. 1973. urtean Tolosako Lehiaketan parte hartu zuen. 1975ean, bere zuzendaritzapean, "Canal de las Bardea" abesbatzen VI. Zinemaldiko Lehen Sari Nazionala irabazi zuen. Urte bereko Izabako kontzertuan, XV eta XVI. mendeetakoak diren ondorengo doinuak aurkeztu zituen: Rivera, Anonimoak, Vázquez, Upsalako Kantutegia, O. de Olaso eta abar. Bigarren zatian, P. Donostiaren, José de Olaizolaren, Beobideren eta I. Altunaren doinuak aurkeztu zituen. 1985ean Iruñeko Pablo Sarasate Goi Mailako Kontserbatorioko Konposizio eta Instrumentazio katedradun izendatu zuten. Ikastetxe horretan bertan, Kontrapuntu eta Fuga irakaslea izan zen.
Kontserbatorioentzat erabilgarriak ziren hainbat liburuki idatzi zituen, hala nola, Dictados metódicos y rítmicos eta Lecciones a primera vista.
Konpositore bezala ondorengo ahots lanak ditu: León Feliperen testuekin (1976) egindako Sentimientos lana eta Cinco canciones para solos, recitativos y coros. Bere ekoizpen instrumentalaren artean Viva la música (1975) kantata nabarmendu egiten da. Tratado de contrapunto-ren egilea ere bada.
Felipe Alayeto, Pedro de, Karlos Sánchez Ekizak egindakoa (Kontsultatua: 29/04/2020).
HISTORIA ARTXIBISTIKOA
Funtsa Nafarroako Artxibo Nagusian sartu zen 2020. urtean, Pablo Sarasate Musika Kontserbatorio Profesionalaren transferentzian parte hartuz.
EDUKIA
Pedro de Felipek bere bizitzan zehar egindako eskuz idatzitako eta inprimatutako konposizioek osatzen dute; hau da, berez bereak diren lanak dira, harmonizazioak eta beste egile batzuen ikerketa edo transkripzio lanak. Gainera, hainbat lan pedagogiko ditu.
SARBIDE-BALDINTZAK ETA ERREPRODUKZIOA
Dokumentazioa modu presentzialean eskuragarria da publikoarentzat Nafarroako Errege Artxibo Nagusian.
Bere kontsulta eta erreprodukzioa 373/2013 Ebazpena, abenduaren 9koa, Vianako Printzea Erakundea-Kulturako zuzendari nagusiak emandakoari lotuta dago non onartzen dituen Nafarroako Errege Artxibo Nagusia dokumentuak eskuratu, kontsultatu eta erreproduzitzeko barne-arauak.
Jabari publikokoak ez diren lanen erreprodukzioa posible izango da soilik eskatzailearen erabilera pribatua egiteko eta ikerketarako egiten denean, Errege Lege Dekretuan xedatutakoarekin bat 1/1996 Legegintzako Errege Dekretua, apirilaren 12koa, Jabetza Intelektualari buruzko Legearen Testu Bategina onesten duena, arlo horretan indarra duten lege-xedapenak erregularizatu, argitu eta bateratzeko.
10. artikulua. Jatorrizko obra eta izenburuak.
1. Jabetza intelektualaren objektu dira: jatorrizko sortze-lan literario, artistiko edo zientifiko guztiak, gaur egun diren edo etorkizunean asmatzen diren edozein bitarteko edo euskarri ukigarri zein ukiezinez adieraziak. Besteak beste:
- Liburuak, liburuxkak, inprimakiak, gutun-bildumak, idazkiak, diskurtso eta alokuzioak, hitzaldiak, auzitegitxostenak, katedra-azalpenak eta izaera bereko beste zeinahi obra.
- Musika-konposizioak, letradunak nahiz letragabeak.
- Obra dramatikoak eta dramatikomusikalak, koreografiak, pantomimak eta, oro har, antzerkiobrak.
- Obra zinematografikoak eta ikusentzunezko beste zeinahi obra.
- Eskulturak, margolanak, marrazkiak, irarlanak, litografiak; istorio grafikoak, haurren zein helduen komikiak, eta haien probasaio edo zirriborroak eta gainerako obra plastikoak, aplikatuak izan zein ez.
- Arkitektura- eta ingeniaritza-obren proiektuak, planoak, maketak eta diseinuak.
- Topografiari, geografiari eta, oro har, zientziari buruzko grafikoak, mapak eta diseinuak.
- Obra fotografikoak eta fotografiaren antzeko prozeduraz adierazitakoak.
- Ordenagailu-programak.
2. Obraren izenburua, jatorrizkoa denean, obraren parte gisa babesturik geratuko da.
37. artikulua. Establezimendu jakin batzuetan terminal espezializatuen bidez obrak erreproduzitzea, mailegatzea eta kontsultatzea.
1. Egile-eskubideen titularrek ezingo diote eragozpenik jarri obrak erreproduzitzeari, titulartasun publikoa duten edo izaera kultural nahiz zientifikoko erakundeetan integraturik dauden museo, liburutegi, fonoteka, filmoteka, hemeroteka edo artxibategiek egiten dituztenean erreprodukzioak, irabazi asmorik gabe eta ikerketa edo kontserbazioa beste helbururik gabe.
2. Era berean, titulartasun publikokoak, edo irabazi asmorik gabeko interes orokorreko kultura-, zientzia- edo hezkuntzaerakundeenak edo Espainiako hezkuntzasisteman integraturiko hezkuntzainstituzioenak diren museo, artxibategi, liburutegi, hemeroteka, fonoteka edo filmotekek ez dute beharko eskubideen titularren baimenik egiten dituzten maileguengatik.
[-] Ezkutatu
[+] Gehiago irakurri
Gainera, funtsa osatzen duten dokumentuen berezitasuna kontuan hartuta, kontsulta eta erreprodukzioa maiatzaren 5eko 1/1982 Lege Organikoa, Ohorerako, Norberaren eta Familiaren Intimitaterako, eta Norberaren Irudirako Eskubidearen Babes Zibilaren legean oinarrituko dira.
Laugarren artikulua.
Bat. Hildakoaren ohore, intimitate edo irudiaren gaineko babes zibilaren akzioak egikarituko ditu hildakoak berak horretarako bere testamentuan izendatu duenak. Pertsona juridikoa ere izenda daiteke.
Bi. Izendapenik ez badago edo izendatutako pertsona hil bada, babesa eskatzeko legitimazioa izango dute ukitutako pertsonaren ezkontideak, ondorengoek, aurrekoek eta neba-arrebek, baldin eta bizirik badaude, ukitutako pertsona hiltzean.
Hiru. Horiek guztiak ez badaude, Fiskaltzak egikarituko ditu babes-akzioak. Fiskaltzak jardun ahal izango du ofizioz edo pertsona interesdunak hala eskatuta, baldin eta laurogei urte baino gehiago igaro ez badira, ukitua hil zenetik. Epe bera hartuko da kontuan, testamentuan izendatutako pertsona juridikoari dagokionean akzioak egikaritzea.
Lau. Delituaren biktimen eskubideetan bidegabeko esku-sartzerik gertatzen bada, zazpigarren artikuluko zortzigarren atalean aipatzen den moduan, egindako delituarengatik laidotua edo kaltetua gertatzen dena babes-akzioak baliatzeko legitimatua egonen da, kontuan hartu gabe aurreko prozesu penalean akzio penala edo zibila erabili ote duen. Fiskaltza ere legitimatua egonen da edozein kasutan. Heriotza gertatzen bada, aurreko ataletan xedatutakoari jarraituko zaio. (…)
Zazpigarren artikulua.
Lege honen bigarren artikuluko babes-esparruan, bidegabeko esku-sartzeak izango dira:
(…)
Hiru. Pertsona edo familiaren bizitza intimoari buruzko egitateak zabaltzea, egitate horiek eragina dutela pertsona edo familia horren entzute eta izen onean, bai eta gutunen, oroitzapenen edo izaera intimoko beste idazki pertsonal batzuen berri ematea nahiz horiek argitaratzea ere.
Lau. Pertsona edo familiaren datu pribatuak ezagutaraztea, baldin eta datu horiek ezagutu badira datuon berri ematen duen subjektuaren lanbide-jarduera edo jarduera ofiziala dela eta. (…)
Zazpi. Egitateak egoztea edo iritziak agertzea, beste pertsona baten duintasuna edozein modutan urratzen duten ekintza edo adierazpenen bidez, pertsona horren ospeari kalte eginez edo beraren estimuaren aurka eginez. (…)
Zortzigarren artikulua.
Bat. Orokorrean, ez da bidegabeko esku-sartze gisa hartuko agintari eskudunak legearen arabera baimendu edo erabakitako jarduna. Gauza bera gertatuko da, interes historiko, zientifiko edo kultural garrantzitsua nagusitzen denean.
[-] Ezkutatu
[+] Gehiago irakurri
DESKRIBAPEN TRESNAK
Inbentarioa
ERLAZIONATUTAKO DESKRIBAPEN UNITATEAK
Pablo Sarasate Kontserbatorioa
Fernando Remacha Villar
ARGITALPEN NOTAK
- Sagaseta Aríztegui, Aurelio. "Felipe Alayeto, Pedro de". En: Casares, E. (zuzendaria). Diccionario de la Música Española e Hispanoamericana. 5. alea. Madril: Autore eta Argitaletxeen Elkarte Nagusia, 1999. 17. or.
Dohaintzaren albistea
DESKRIBATZAILEAK
Musika, XIX. mendea, Konpositorea, Ikertzailea, Irakaslea, Abesbatza-zuzendaria, Abesbatza-musika.
