Eszenografoa, figuringilea eta eskultorea
Vicente Galbete Iruñean jaio zen 1949. urtean. Arte Ederretan lizentziaduna eta Marrazkigintzako katedraduna da. Gainera, Diseinu Industrialeko graduatu ikasketak egin zituen eta Grabatu espezialitatea egin zuen Bartzelonan, Madrilen eta Valentzian. Irakasle gisa erretiroa hartu zuen Iruñeko Felix Urabayen Institutuan 2010. urtean.
1979an, German Gonzálezekin batera, figuringile eta eszenografo gisa, Aita Moret Batxilergoko Institutu Nazionalean antzezlanak eszenaratzen hasi zen. 1987an, Ignazio Arangurenen Taller de Teatro Escolar Navarro Villoslada tailerrarekin hasi zen lankidetzan.
Irakasle, eszenografo eta figuringile izateaz gain, Galbetek hainbat lan egin ditu diseinatzaile grafiko eta eskultore gisa. Bere lanik ezagunenetako bat 1996an Erreniega Garaian jarritako Monumento al Peregrino da.
2025ean, Ignacio Arangurerekin batera, "Premio Max aficionado o de carácter social: modalidad social" jaso zuen, Iruñeko Navarro Villoslada Institutuko Eskola Antzerkiko Tailerrean (TTNV) irakasle gisa egindako ibilbide osoagatik. Tailerretik bultzatu zuen ikasgeletan antzerkia egitea, Nafarroako aktoreen, sortzaileen eta publikoaren harrobi gisa ia bost hamarkadako ibilbide egiaztatua bermatuz.
Vicente Galbetek egindako dohaintzaren bidez sartzen da funtsa, 2021. urtean.
