ERREFERENTZIA KODEA
ES/NA/AGN/F543
IZENBURUA
Francisco Rodrigo Arto
MUTURREKO DATAK
1968-2021
DESKRIBAPEN MAILA
Funtsa
BOLUMENA
15 kutxa
2 F.ES.
2 CD
30 liburu
EKOIZLEA
Francisco Rodrigo Arto
AIPAMEN BIOGRAFIKOA
Valtierran (Nafarroa) sortu zen 1938an. Granadako Victoria Eugenia Kontserbatorioan hasi zen musika ikasten. 1964an Venezuelara joan zen eta Vicente Emilio Sojorekin musika ikasketak berreskuratu zituen. 1967an eskuratu zuen Venezuelako nazionalitatea. 1971n konpositore maisu titulua lortu zuen, José Ángel Lamas Goi Mailako Musika Eskolan ikasketak akitu eta gero. Bere formakuntza osatu zuen Gonzalo Castellanosekin, orkestra eta abesbatza zuzendaritzako ikastaroetan, eta Alberto Ginastera irakaslearekin konposizioko ikastaroekin.
Francisco Rodrigo konpositore anitza da, 1.200 konposizion baino gehiago ditu. Genero musikal guztiak erabiltzen ditu baina, gehienak, erlijio-izaera dute, zalantzarik gabe, San Judas Tadeoko Santutegian, Chacaoko San Jose elizan eta Caracasko Katedralean burututako kapera-maisu eta konpositore eginkizunak eraginik.
Francisco Rodrigok Vicente Emilio Sojo ordezkatu zuen 1968an, José Ángel Lamas Goi Mailako Musika Eskolako Kontrapuntu eta Fuga katedradun gisa, eta hogeita hamabost urtez aritu zen karguan. Santiago Key Ayala lizeoan irakasle izan zen 1967-1968 urteen artean, baita Instituto Universitario de Estudios Musicalesen ere (IUDEM), non Fuga eta Musika Konposizio katedrak eman zituen.
Haren obrak sari anitz jaso ditu, eta, haien artean, musikako sari nazionalak nabarmentzen dira; 1970ean, Bosquejos pianísticos obragatik, 1973 Elegía obragatik, 1983an Tres antífonas de Santa Cecilia obragatik, 1989an Tropikalia obragatik, 1990ean Concierto para harpa y orquesta obragatik, eta 2009an Concierto para dos arpas y orquesta obragatik. Gainera, hamaika udal sari ditu, baita beste hainbat sari eta ohorezko aipamen ere.
Hala ere, bere orkestra edo ganbera ekoizpen handia arras gutxi gauzatu da. Bere obra teknikoki eklektikoa da: alde batetik, obra erlijiosoek generoaren ohiko kanonak mantentzen badituzte, bere konposizio akademikoak, kontzertu-aretoetara bideratuak, baliabide anitz erabiltzen ditu, baita garaikideak ere, teknika abangoardistak bili gabe.
Bere obrak orkestra, orkestra eta bakarlari, orkestra eta koru, koru (musika erlijioso zein profanoa), ahots eta instrumentu, ahots eta piano, instrumentu, harpa, gitarra, organo, piano eta beste instrumentu batzuetarako konposizioak biltzen ditu.
[-] Ezkutatu
[+] Gehiago irakurri
HISTORIA ARTXIBISTIKOA
Historia artxibistikoa: Francisco Rodrigo funtsa dohaintza moduan sartu Nafarroako Errege Artxibo Nagusian 2017. urtean eta 2019ko ekainaren 16an bigarren entrega izan zuen.
EDUKIA
Funtsak Francisco Rodrigo Arto-k egindako musika-lanak, libretoak, argitalpenak, esku-egitarauak, dokumentazio pertsonala, irakasle gisa sortutako dokumentazioa eta jasotako sarien dokumentazioa biltzen ditu. Gainera, funtsak musika-liburutegi interesgarri bat biltzen du.
SARBIDE-BALDINTZAK ETA ERREPRODUKZIOA
Dokumentazioa modu presentzialean eskuragarria da publikoarentzat Nafarroako Errege Artxibo Nagusian.
Bere kontsulta eta erreprodukzioa 373/2013 Ebazpena, abenduaren 9koa, Vianako Printzea Erakundea-Kulturako zuzendari nagusiak emandakoari lotuta dago non onartzen dituen Nafarroako Errege Artxibo Nagusia dokumentuak eskuratu, kontsultatu eta erreproduzitzeko barne-arauak.
Jabari publikokoak ez diren lanen erreprodukzioa posible izango da soilik eskatzailearen erabilera pribatua egiteko eta ikerketarako egiten denean, Errege Lege Dekretuan xedatutakoarekin bat 1/1996 Legegintzako Errege Dekretua, apirilaren 12koa, Jabetza Intelektualari buruzko Legearen Testu Bategina onesten duena, arlo horretan indarra duten lege-xedapenak erregularizatu, argitu eta bateratzeko.
10. artikulua. Jatorrizko obra eta izenburuak.
1. Jabetza intelektualaren objektu dira: jatorrizko sortze-lan literario, artistiko edo zientifiko guztiak, gaur egun diren edo etorkizunean asmatzen diren edozein bitarteko edo euskarri ukigarri zein ukiezinez adieraziak. Besteak beste:
- Liburuak, liburuxkak, inprimakiak, gutun-bildumak, idazkiak, diskurtso eta alokuzioak, hitzaldiak, auzitegitxostenak, katedra-azalpenak eta izaera bereko beste zeinahi obra.
- Musika-konposizioak, letradunak nahiz letragabeak.
- Obra dramatikoak eta dramatikomusikalak, koreografiak, pantomimak eta, oro har, antzerkiobrak.
- Obra zinematografikoak eta ikusentzunezko beste zeinahi obra.
- Eskulturak, margolanak, marrazkiak, irarlanak, litografiak; istorio grafikoak, haurren zein helduen komikiak, eta haien probasaio edo zirriborroak eta gainerako obra plastikoak, aplikatuak izan zein ez.
- Arkitektura- eta ingeniaritza-obren proiektuak, planoak, maketak eta diseinuak.
- Topografiari, geografiari eta, oro har, zientziari buruzko grafikoak, mapak eta diseinuak.
- Obra fotografikoak eta fotografiaren antzeko prozeduraz adierazitakoak.
- Ordenagailu-programak.
2. Obraren izenburua, jatorrizkoa denean, obraren parte gisa babesturik geratuko da.
37. artikulua. Establezimendu jakin batzuetan terminal espezializatuen bidez obrak erreproduzitzea, mailegatzea eta kontsultatzea.
1. Egile-eskubideen titularrek ezingo diote eragozpenik jarri obrak erreproduzitzeari, titulartasun publikoa duten edo izaera kultural nahiz zientifikoko erakundeetan integraturik dauden museo, liburutegi, fonoteka, filmoteka, hemeroteka edo artxibategiek egiten dituztenean erreprodukzioak, irabazi asmorik gabe eta ikerketa edo kontserbazioa beste helbururik gabe.
2. Era berean, titulartasun publikokoak, edo irabazi asmorik gabeko interes orokorreko kultura-, zientzia- edo hezkuntzaerakundeenak edo Espainiako hezkuntzasisteman integraturiko hezkuntzainstituzioenak diren museo, artxibategi, liburutegi, hemeroteka, fonoteka edo filmotekek ez dute beharko eskubideen titularren baimenik egiten dituzten maileguengatik.
[-] Ezkutatu
[+] Gehiago irakurri
DESKRIBAPEN TRESNAK
Inbentarioa
DOKUMENTAZIO OSAGARRIA
Elkarrizketa
DOKUMENTAZIO OSAGARRIA BESTE ARTXIBOTAN
- Venezuelako Liburutegi Nazionala
ARGITALPEN NOTAK
- Ortega, Judith. "Arto, Francisco Rodrigo". En: Casares, E. (dir.). Diccionario de la Música Española e Hispanoamericana. Tomo 1. Madril: Egile eta Editoreen Sozietate Nagusia, 1999. P. 782.
- Peñín, José. "Rodrigo Arto, Francisco". En: Casares, E. (dir.). Diccionario de la Música Española e Hispanoamericana. Tomo 9. Madril: Egile eta Editoreen Sozietate Nagusia, 2002. P. 252-254.
Dohaintzaren albistea
DESKRIBATZAILEAK
Konpositorea, Pedagogoa.