Novaroren Musikaren Sistema Naturalean oinarrituta dagoen Once trece obrak bide irekia ikertzen jarraitzen du Cinco estudios para piano egin ondoren, bereziki eskala harmonikoen erabileran eta akordeen inbertsioan. 1940ko hamarkadaren amaieratik 1950eko hamarkadaren erdialdera konposatu ziren, eta Esperanza Pulido pianojole eta musikologoari eskaini zitzaizkion. Lehendabiziko hamarrak Esperanza Pulidok estreinatu zituen Mexikon 1956an, eta Ricordi Americanak argitara eraman zituen 1963an. 1970eko urrian eta abenduan osatutako azken bi tientos-ak Heterofonía aldizkarian argitaratu ziren, Emiliana de Zubeldiaren azterketaren eranskinekin. “Tiento” izena Novaroren sistemari egiten du erreferentzia, sonoritate berriak probatzen, tindatzen saiatzen zen musikaren ikuskera berria baitzen.
2020ko irailaren 14tik 18ra.
Jorge Robaina
Kanariar Handiko Las Palmasen jaio zen, eta hantxe bertan hasi zen musika ikasten. 15 urterekin Vienara joan zen eta Vienako Estatu Kontserbatorioan osatu zuen bere musika ikaskuntza. Nazioko eta nazioarteko hainbat sari irabazi ditu; hala nola, Pegasus eta Bosendorfer sariak Vienan, Coleman Santiagon, Espainiako Gazteria Musikalak eta Jacinto Guerrero Fundazioaren piano-jole onenaren saria bi aldiz. Bakarlari gisa aritu da Asturiasko Orkestra Sinfonikoarekin, Kanaria Handiko Filarmonikarekin, Tenerifeko Sinfonikarekin, Oviedoko Orkestra Sinfonikoarekin, Kordobako Orkestrarekin, Espainiako Orkestra Nazionalarekin, RTVEeko Orkestrarekin, Poloniako Irrati-Telebistaren Orkestrarekin, Murtzia Eskualdeko Orkestrarekin, Hungariako Ganbera Orkestra Sinfonikoarekin eta Vienako Mozart Orchester-ekin; besteak beste.
Ritmo aldizkariaren saria jaso zuen Guridi eta Aita Donostiaren pianorako lanen diskoagatik. Bakarkako bigarren diskoa bigarren errepublikako konpositore espainiarren obran oinarritu zen. Munduko lehen grabazioak egin zituen ondorengo obretan: Falcón-Sanabriaren Concierto para piano-n, Carmelo Bernaolaren Nostálgico para piano y orquesta-n eta Ángel Martín Pompey-ren Concierto para dos pianos y gran orquesta-n Marta Zabaletarekin batera. Gaur egun, Madrilgo Goi Mailako Kantu Eskolako Ahots Errepertorioko katedraduna da eta espezialitate honetako ikastaroak ematen ditu Espainian eta Estatu Batuetan.
Tiento 1
22/03/2021
Tiento 2
22/03/2021
Tiento 3
22/03/2021
Tiento 4
22/03/2021
Tiento 5
22/03/2021
Tiento 6
22/03/2021
Tiento 7
22/03/2021
Tiento 8
22/03/2021
Tiento 9
22/03/2021
Tiento 10
22/03/2021
Tiento 11
22/03/2021
Tiento 12
22/03/2021
Tiento 13
22/03/2021
