ERREFERENTZIA KODEA
ES/NA/AGN/F476
IZENBURUA
Nafarroako Antzerki Eskola
MUTURREKO DATAK
1985-2012
DESKRIBAPEN MAILA
Funtsa
BOLUMENA
14 kutxa
5 F.ES.
28 VHS
24 DVD
106 fitxategi informatikoak
EKOIZLEA
Escuela Navarra de Teatro / Nafarroako Antzerki Eskola
AIPAMEN BIOGRAFIKOA
Nafarroako Antzerki Eskola 1985-1986. urte akademikoan sortu zen, Nafarroako Estable Antzokiak 1979an hasitako lanarekin jarraitzeko asmoz.
Nafarroako Foru Komunitatean Arte Dramatikoko prestakuntza bere gain hartzen duen zentro baten beharraz jabetu ziren. Hainbat antzerki talde zeunden, prestakuntza hobetzeko, gogoa dutenak, kalitate artistiko handiagoa izateko. Nafarroan ez zegoen Adierazpen Eskolarik Musika Kontserbatorioaren barruan, non bai zegoen Dantza Eskola bat. Nafarroako Gobernuak, Arte eta Lanbide Eskolatik aurrera, bere gain hartu zuen arte plastikoko area. Hortaz, bakarrik Arte Dramatikoa, hezkuntza-agintarien aldetik, iritzirik gabe geratu zen.
Azkenik, Nafarroako Gobernuko Hezkuntza eta Kulturako Zuzendaritzaren ekimenaren ondorioz koordinatzaile bat eratu zen; antzerki taldeko ordezkariez eta Arte Dramatikoari lotutako pertsonez osatuta zegoena. Honen helburua zen eskola bat abian jartzea, Arte Dramatikoa garatzeko beharrezkoak diren diziplinak eta ezagutza arloak modu pedagogikoan eta artistikoan eskaintzeko.
Parte guztiek egokiagotzat hartutako formula juridikoa, Nafarroako Gobernua barne, izan zen funtzionamenduko eta diru-laguntza ekonomikoko Hitzarmen bat ezartzen zuen irabazi asmorik gabeko Elkartea sortzea. Hitzarmena Nafarroako Gobernuaren Kultura Zuzendaritzarekin urtero sinatuko da.
Horrela hasi zen lanean Nafarroako Antzerki Eskola: Antzerki arloko prestakuntza, ikerkuntza eta zabalkundea lantzeko zentro bat.
Nafarroako Antzerki Eskolaren helburu nagusiak ondorengoak dira:
- Aktoreak modu integralean prestatzea, eta Arte Dramatikoa ezagutzeko, horretara hurbiltzeko eta hori praktiketan jartzeko aukera erraztea Nafarroako Foru Erkidegoko sektoreei.
- Ikusleek hainbat espresio eszeniko ezagutzeko aukera ematen duten jarduerak egitea bultzatzea, eta laguntzea gizarteak onura sozial gisa eska dezan arte.
- Ikerkuntzako jarduerak sustatzea eta garatzea gaur egungo pedagogia eta antzerki arloetan.
Arte Dramatikoko lehen ikasketak sortu diren premietara egokitu dira. Hezkuntza-sistemako Antolamendu Orokorrari buruzko Legeak, Estatuan lehenengoz, Arte Dramatikoko ikasketak definitu zituen, 43. artikuluan, Araubide Bereziko Irakaskuntzen barruan, eta gainera, goi-mailako ikasketa maila eman zion, lizentziatu eta Arte Dramatikoaren barruan Lanbide Heziketa onartu zuen.
Nafarroako Antzerki Eskolako Zuzendaritza Teknikoak programatzen du aretoa; 300 eserleku ditu, eta Antzoki Alternatiboen Sarearen barnean dago. Honako jarduera hauek antolatu eta koordinatzen ditu:
- Nafarroako Gobernuaren laguntzarekin (2013): Festa (helduentzako egungo antzerki jaialdia), urritik abendura, Festín (haurrentzako antzerki jaialdia), Golfos (kafe-antzerkiaren programazioa), Espacio Nueva Generación, karrera amaierako produkzioa.
- Iruńeko Udalaren laguntzarekin (2013): Antzerki Aroa (helduentzako antzerkia euskaraz), hilean behin ikastaroan zehar; Antzerkiaz Areago (institutuentzako antzerki kanpaina, euskaraz), urritik arazora; Haurrentzako antzerkia euskaraz Haurrentzako antzerkia euskaraz (Haurrentzako antzerki testuen lehiaketako euskarazko modalitatea irabazitako testua eszenaraztea eta eskola kanpaina; lehiaketa hori urtero antolatzen dute Iruńeko Udalak eta Nafarroako Antzerki Eskolak); Gazteentzako antzerki topaketak euskaraz eta Irri-zikloa (umore zikloa euskaraz), biak maiatzean.
- Beren lanak eszenaratzeko, aretoa kontratatzen duten antzerki taldeen antzezlanak ere programatzen dira
Nafarroako Antzerki Eskolak berak egindako produkzioen eskaintza zabala du. Alde batetik, Arte Dramatikoaren hirugarren mailako ikasleek egindako produkzioak eskaintzen ditu, bai Eguberrietako Antzerkia, bai Karrera amaierako tailerra. Halaber, beste produkzio batzuk ere eskaintzen dira urte osoan zehar, esaterako, Haurrentzako tailerra euskaraz eta Las maravillas del teatro.
Mota guztietako emanaldiak, ikusle guztientzat eta guztien esku.
Arte Eszenikoei buruzko Dokumentazio eta Ikerkuntzako Zentro bat du NAEk. Honako hauek daude zentro horren mende: liburutegia, jende guztiarentzat zabalik dagoena; Teatro/Antzerki aldizkaria; eta Haurrentzako antzerki testuen lehiaketa, bai euskaraz, bai gaztelaniaz. Era berean, mintegiak, zikloak eta/edo hitzaldiakantolatzen ditu prestakuntza eta ikerkuntzaren esparruaren barnean.
Dokumentazio eta Ikerkuntzako Zentroaren helburuak:
- Ikerkuntza teorikoa eta praktikoa bultzatzea Arte Eszenikoena den arloetan.
- Nafarroan Arte Eszenikoen historiari buruz dagoen dokumentazioa biltzea eta artxibatzea.
- Gaur egun Arte Eszenikoek Nafarroan duten egoeraren datu-baseak mantentzea eta eguneratzea.
- Arte eszenikoak zabaltzea mintegi, hitzaldi, tailer eta produkzioei buruz, baita TEATRO/ANTZERKI aldizkariaren bidez ere.
- Jendearentzat zabalik dagoen Arte Eszenikoetan espezializatutako liburutegia mantentzea eta eguneratzea.
- Trukaketak eta kolaborazioak bultzatzea Arte Eszenikoen Dokumentazioko beste Zentro batzuekin.
- Haurrentzako testu dramatikoen sorrera bultzatzea haurrentzako antzerki testuen lehiaketaren bidez, bai gaztelaniaz, bai euskaraz.
[-] Ezkutatu
[+] Gehiago irakurri
HISTORIA ARTXIBISTIKOA
Funtsa Nafarroako Errege Artxibo Nagusian sartu zen 2018ko maiatzean, bi erakundeen arteko lankidetza-hitzarmena sinatu ondoren.
EDUKIA
Nafarroako Antzerki Eskolaren funtsak erakundeak berak sortutako dokumentazioaz osatuta dago; batez ere, bere ekoizpenek sortutako dokumentazioa eta bere jarduera. Horrez gain, Antzerkiaren Dokumentazio Zentroko dokumentazio guztia ere gordetzen da. Dokumentazio honek aktore, enpresa, estreinaldi eta programazio erakundeen datu-baseak biltzen ditu.
ANTOLAKETA
01. Nafarroako Antzerki Eskola / Escuela Navarra de Teatro
- Esku-programak
- Kartelak
- Ikus-entzunezkoak
- Prentsa
- Gutunak
- Antzerki testuen lehiaketak
02. Antzerkiaren Dokumentazio Zentroa
- Auditorio eta Antzokien esku-programak
- Kartelak
- Datu-baseak
03. Liburutegia
- Liburu eta aldizkarien katalogoaren datu-basea
SARBIDE BALDINTZAK ETA ERREPRODUKZIOA
Dokumentazioa modu presentzialean eskuragarria da publikoarentzat Nafarroako Errege Artxibo Nagusian.
Bere kontsulta eta erreprodukzioa 373/2013 Ebazpena, abenduaren 9koa, Vianako Printzea Erakundea-Kulturako zuzendari nagusiak emandakoari lotuta dago non onartzen dituen Nafarroako Errege Artxibo Nagusia dokumentuak eskuratu, kontsultatu eta erreproduzitzeko barne-arauak.
Jabari publikokoak ez diren lanen erreprodukzioa posible izango da soilik eskatzailearen erabilera pribatua egiteko eta ikerketarako egiten denean, Errege Lege Dekretuan xedatutakoarekin bat 1/1996 Legegintzako Errege Dekretua, apirilaren 12koa, Jabetza Intelektualari buruzko Legearen Testu Bategina onesten duena, arlo horretan indarra duten lege-xedapenak erregularizatu, argitu eta bateratzeko.
10. artikulua. Jatorrizko obra eta izenburuak.
1. Jabetza intelektualaren objektu dira: jatorrizko sortze-lan literario, artistiko edo zientifiko guztiak, gaur egun diren edo etorkizunean asmatzen diren edozein bitarteko edo euskarri ukigarri zein ukiezinez adieraziak. Besteak beste:
- Liburuak, liburuxkak, inprimakiak, gutun-bildumak, idazkiak, diskurtso eta alokuzioak, hitzaldiak, auzitegitxostenak, katedra-azalpenak eta izaera bereko beste zeinahi obra.
- Musika-konposizioak, letradunak nahiz letragabeak.
- Obra dramatikoak eta dramatikomusikalak, koreografiak, pantomimak eta, oro har, antzerkiobrak.
- Obra zinematografikoak eta ikusentzunezko beste zeinahi obra.
- Eskulturak, margolanak, marrazkiak, irarlanak, litografiak; istorio grafikoak, haurren zein helduen komikiak, eta haien probasaio edo zirriborroak eta gainerako obra plastikoak, aplikatuak izan zein ez.
- Arkitektura- eta ingeniaritza-obren proiektuak, planoak, maketak eta diseinuak.
- Topografiari, geografiari eta, oro har, zientziari buruzko grafikoak, mapak eta diseinuak.
- Obra fotografikoak eta fotografiaren antzeko prozeduraz adierazitakoak.
- Ordenagailu-programak.
2. Obraren izenburua, jatorrizkoa denean, obraren parte gisa babesturik geratuko da.
37. artikulua. Establezimendu jakin batzuetan terminal espezializatuen bidez obrak erreproduzitzea, mailegatzea eta kontsultatzea.
1. Egile-eskubideen titularrek ezingo diote eragozpenik jarri obrak erreproduzitzeari, titulartasun publikoa duten edo izaera kultural nahiz zientifikoko erakundeetan integraturik dauden museo, liburutegi, fonoteka, filmoteka, hemeroteka edo artxibategiek egiten dituztenean erreprodukzioak, irabazi asmorik gabe eta ikerketa edo kontserbazioa beste helbururik gabe.
2. Era berean, titulartasun publikokoak, edo irabazi asmorik gabeko interes orokorreko kultura-, zientzia- edo hezkuntzaerakundeenak edo Espainiako hezkuntzasisteman integraturiko hezkuntzainstituzioenak diren museo, artxibategi, liburutegi, hemeroteka, fonoteka edo filmotekek ez dute beharko eskubideen titularren baimenik egiten dituzten maileguengatik.
[-] Ezkutatu
[+] Gehiago irakurri
Gainera, funtsa osatzen duten dokumentuen berezitasuna kontuan hartuta, kontsulta eta erreprodukzioa maiatzaren 5eko 1/1982 Lege Organikoa, Ohorerako, Norberaren eta Familiaren Intimitaterako, eta Norberaren Irudirako Eskubidearen Babes Zibilaren legean oinarrituko dira.
Laugarren artikulua.
Bat. Hildakoaren ohore, intimitate edo irudiaren gaineko babes zibilaren akzioak egikarituko ditu hildakoak berak horretarako bere testamentuan izendatu duenak. Pertsona juridikoa ere izenda daiteke.
Bi. Izendapenik ez badago edo izendatutako pertsona hil bada, babesa eskatzeko legitimazioa izango dute ukitutako pertsonaren ezkontideak, ondorengoek, aurrekoek eta neba-arrebek, baldin eta bizirik badaude, ukitutako pertsona hiltzean.
Hiru. Horiek guztiak ez badaude, Fiskaltzak egikarituko ditu babes-akzioak. Fiskaltzak jardun ahal izango du ofizioz edo pertsona interesdunak hala eskatuta, baldin eta laurogei urte baino gehiago igaro ez badira, ukitua hil zenetik. Epe bera hartuko da kontuan, testamentuan izendatutako pertsona juridikoari dagokionean akzioak egikaritzea.
Lau. Delituaren biktimen eskubideetan bidegabeko esku-sartzerik gertatzen bada, zazpigarren artikuluko zortzigarren atalean aipatzen den moduan, egindako delituarengatik laidotua edo kaltetua gertatzen dena babes-akzioak baliatzeko legitimatua egonen da, kontuan hartu gabe aurreko prozesu penalean akzio penala edo zibila erabili ote duen. Fiskaltza ere legitimatua egonen da edozein kasutan. Heriotza gertatzen bada, aurreko ataletan xedatutakoari jarraituko zaio. (…)
Zazpigarren artikulua.
Lege honen bigarren artikuluko babes-esparruan, bidegabeko esku-sartzeak izango dira:
(…)
Hiru. Pertsona edo familiaren bizitza intimoari buruzko egitateak zabaltzea, egitate horiek eragina dutela pertsona edo familia horren entzute eta izen onean, bai eta gutunen, oroitzapenen edo izaera intimoko beste idazki pertsonal batzuen berri ematea nahiz horiek argitaratzea ere.
Lau. Pertsona edo familiaren datu pribatuak ezagutaraztea, baldin eta datu horiek ezagutu badira datuon berri ematen duen subjektuaren lanbide-jarduera edo jarduera ofiziala dela eta. (...)
Zazpi. Egitateak egoztea edo iritziak agertzea, beste pertsona baten duintasuna edozein modutan urratzen duten ekintza edo adierazpenen bidez, pertsona horren ospeari kalte eginez edo beraren estimuaren aurka eginez. (…)
Zortzigarren artikulua.
Bat. Orokorrean, ez da bidegabeko esku-sartze gisa hartuko agintari eskudunak legearen arabera baimendu edo erabakitako jarduna. Gauza bera gertatuko da, interes historiko, zientifiko edo kultural garrantzitsua nagusitzen denean.
[-] Ezkutatu
[+] Gehiago irakurri
DESKRIBAPEN TRESNAK
Inbentarioa
ERLAZIONATUTAKO DESKRIBAPEN UNITATEAK
Ignacio Aranguren Gallués
Jesús Elso Mosquera
El Lebrel Blanco
Aurora Moneo Martínez
DOKUMENTAZIO OSAGARRIA
Maite Pascual Bonis-i egindako elkarrizketa
ARGITALPEN NOTAK
- Pascual, Maite. "La formación teatral en Navarra: la Escuela Navarra de Teatro". En: Euskonews & Media. 131.zbk.
- 25 Aniversario de la Escuela Navarra de Teatro. Iruńea: Escuela Navarra de Teatro-Nafarroako Antzerki Eskola, 2010.
http://www.laescueladeteatro.com/es/
Hitzarmenaren sinaduraren albistea
DESKRIPTOREAK
Antzerkiaren pedagogia.